.png)
സാംഖ്യദർശനത്തിന്റെ പ്രാധാന്യം
ഇന്ത്യയിലെ പ്രാചീനദർശനഗ്രന്ഥങ്ങളിൽ വച്ച്‌ ഏറ്റവുമധികം ജനപ്രീതി നേടിയതും ഇന്നും ജനങ്ങളെ സ്വാധീനിച്ച്‌ കൊണ്ടിരിക്കുന്നതുമായ ഒരു പുണ്യഗ്രന്ഥമാണ്‌ ശ്രീമദ്‌ ഭഗവദ്ഗീത. പതിനെട്ട്‌ അധ്യായങ്ങളിലായി എഴുന്നൂറോളം ശ്ലോകങ്ങൾ ശ്ലോകങ്ങളുള്ള ഈ മഹദ്ഗ്രന്ഥത്തിന്‌ ഉണ്ടായിട്ടുള്ളത്‌ പോലെ അത്രയധികം വ്യാഖ്യാനങ്ങൾ മറ്റൊരു ഗ്രന്ഥത്തിനും ഉണ്ടായിട്ടില്ല.
ഭഗവദ്ഗീത ഒരു സ്വതന്ത്ര ദാർശനിക ഗ്രന്ഥമാണെങ്കിലും , അത്‌ മഹാഭാരതത്തിന്റെ ഒരു ഭാഗമാണ്‌.
കുരുക്ഷേത്രയുദ്ധമാണ്‌ ഗീതയുടെ പശ്ചാത്തലം. രക്തബന്ധമുള്ളവരാണെങ്കിലും തങ്ങളുടെ ശത്രുക്കളായി മാറിയ കൗരവന്മാരെ കൊല്ലേണ്ടിവരിക എന്ന കടമ നിർവ്വ്വ്വഹിക്കേണ്ടി വന്നപ്പോൾ അർജ്ജുനൻ ധർമ്മസങ്കടത്തിലാകുന്നു. സ്വന്തം കുലത്തിൽ പെട്ടവരെ കൊല്ലുന്നത്‌ പാപമാണെന്നും അതുകൊണ്ട്‌ താൻ യുദ്ധം ചെയ്യില്ലെന്നും പറയുന്ന അർജ്ജുനന്‌ ശ്രീകൃഷ്ണൻ നൽകുന്ന ധർമ്മോപദേശമാണ്‌ ഗീത.
കുലധർമ്മം പാലിക്കണോ അതോ കുലധർമ്മം ലംഘിച്ചുകൊണ്ട്‌ വർഗധർമ്മം പാലിക്കണോ, ഇതായിരുന്നു അർജ്ജുനനുണ്ടായ മനോവിഷമത്തിനടിസ്ഥാനം. കുലധർമ്മത്തെ വകവയ്ക്കാതെ സ്വധർമ്മം നിറവേറ്റേണ്ടതിന്റെ പ്രാധാന്യം വിവിധ ദർശങ്ങളുടെ സാരാംശം വിവരിച്ചുകൊടുത്തുകൊണ്ട്‌ ശ്രീകൃഷ്ണൻ അർജ്ജുനനെ കർമ്മനിരതനാക്കുന്നു.
അർജ്ജുനന്‌ നേരിട്ട ധർമസങ്കടം തീർക്കാൻ വേണ്ടി വേദാന്തം, സാംഖ്യം, യോഗം, തുടങ്ങിയ ദാർശനിക സിദ്ധാന്തങ്ങളെക്കുറിച്ചും ഭക്തി, ജ്ഞാനം, കർമ്മം, എന്നീ മാർഗങ്ങളെക്കുറിച്ചും ശ്രീകൃഷ്ണൻ വളരെ ലളിതമായി പ്രതിപാദിച്ച്‌ കൊടുക്കുന്നു. സാംഖ്യത്തിന്‌ വളരെ പ്രമുഖമായ സ്ഥാനമാണ്‌ നൽകപ്പെട്ടിട്ടുള്ളത്‌.
സാംഖ്യ ദർശനം അനുസരിച്ച്‌ സത്വരജസ്തമോഗുണങ്ങൾ ചേർന്നതാണ്‌ പ്രകൃതി. ഈ ഗുണങ്ങൾ പ്രകൃതിയിൽ നിന്നും വേറിട്ട്‌ സ്വതന്ത്രമായി നിലനിൽക്കുന്നതല്ല. കാര്യകാരണ ബന്ധങ്ങളുടെ തുടക്കം പ്രകൃതിയിൽ നിന്നാണ്‌.
ഒന്നാം അധ്യായമായ അർജ്ജുന വിഷാദയോഗം, രണ്ടാം അധ്യായമായ സാംഖ്യയോഗം എന്നിവ ഇപ്പോൾ വായിക്കാം
ഇതുമായി ബന്ധപ്പെട്ട മറ്റ്‌ പോസ്റ്റുകൾ
3. അർജ്ജുന വിഷാദയോഗം (ഒന്നാം അദ്ധ്യായം)
No comments:
Post a Comment